(( الطمع في رحمه الله ))

[السامر]

الطمع في رحمـه الله والأيام الجـدادي
************ والزمان اغبر ولانعرف قديمه مـن جداده

كل شي فوق ارض الكون عندي سار عادي
************ هذا روتين الزمان اللي نقـول وسار عاده

قال ابو راكان أناقد همت من وادي لـوادي
************* يقطع الله ديرة ما ينـزل الماطـر بـواده

يوم شفت الوقت الاغبر والايـام الشدادي
*************قلـت مابـه بـد والمرحال وثقنا شداده

ما سمعنا صـوت رداد المدرهـم والمنـادي
*************قلت ياقلبي ثنيـت العـزم قدامـك ونـاده

وانا صقرآ وابن حر ولـي ربعـا شـدادي
**************وأشتهر مابين ربعي بالصلابـه والشداده

مثل صقرٍٍ حر دايم ع الطلا يع والهـدادي
**************لاتعلى الجو قفى كـل طيـر مـن هـداده

ماهو يصيد اطول اللذيل وعقاب وجـرادي
**************صيدته دسمـه ولاهو يـدور ع الجراده

مايصيده كل قناص بريـع فـي الزنادي
***************يختفي قبلآ تـدور الشراره فـي زنـاده

وانا حلمي نجمة الصبح هي غاية مـرادي
***************دام كلا من عبادا لله يـدور عـن مـراده

وانا ابشرها بـزود المعزه والــودادي
**************والغلـى مقسـوم مابيـن ودي مـن وداده

تكتب الأقلام واتجف الصحايف والمـدادي
**************والقلم بيدي كتب من دمي الغالـي مـداده

واحسب إني بأتسيد نجم فوق الأرض سادي
**************وأثرني حالم وفزيـت وأنـا ع الوسادة

[ابو عبدالله]

قال ابوراكان أناقد همت من وادي لـوادي
************* يقطع الله ديره ماينـزل الماطـر بـواده

يوم شفت الوقت الاغبروالايـام ألشدادي
*************قلـت مابـه بـد والمرحال وثقنا شداده

الله يعطيك العافية على هذي القصيدة

مشكور ابوراكان

روعة كروعة قائلها

[أبو عبدالرحمن]

أبو راااااكاااان



أنت صقرٍ وابن حرٍ ولك ربعٍ شدادي.................. وتشتهر ما بين ربعك بالصلابه والشداده




كفو والله كفو وصح لساااااااااانك

[عبدالعزيز]

ابو راكان

شاعر ولسان ينحت الشعر

ماشاء الله تبارك الله

تحيتي